This post is especially dedicated to any Afrikaans readers out there that love Rooibos:
Rooibos
Navorsing oor die gesondheidsvoordele van Rooibostee is niks nuuts
nie. Navorsers regoor die wêreld doen reeds die afgelope 50 jaar
navorsing in laboratoriums, maar plaaslike navorsers het verlede jaar
vir die eerste keer begin om van dié laboratorium-bevindinge ook op
mense te toets.
Die proef wat die uitwerking van Rooibos toets op mense wat die gevaar loop om hartsiektes op te doen, is afgehandel.
Dr. Jeanine Marnewick, senior navorser van die anti-oksidant navorsingsgroep aan die Kaapse Skiereilandse Universiteit
vanTegnologie, sê hulle is nog besig om die proefdata te ontleed en toetse te doen en behoort teen Oktober 2011
resultate te hê. Sy sê Rooibos is bekostigbaar engeredelik beskikbaar. “As ons kan bewys dat dié tee die potensiaal het om
hartsiektes in mense teen te werk, sal dit ‘n deurbraak in die voorkoming van dié siektes wees. Ons het ‘n magdom
bewyse van die gesondheidsvoordele van Rooibos in diere – van die
vertraging van die verouderingsproses tot die bestryding v
an kanker. Die uitdaging is om dié aansprake in mense
te bewys.”
Marnewick het by ‘n wetenskapkafee wat verlede
November 2012 by die MTN-wetenskapsentrum in Kaapstad
aangebied is, gesê haar studie fokus op die potensiaal wat
Rooibos het om mense te beskerm teen die oksidatiewe stres
en in-ammasie wat geassosieer word met die ontwikkeling
van hartsiektes. “Oksidatiewe stres is ‘n wanbalans tussen
oksidante en anti-oksidante waar oksidante die oorhand
het,”verduidelik Marnewick. “Té veel oksidante kan belangrike
komponente van lewende selle, soos lipiede, proteïen en
deoksi-ribonukleïensuur (DNS), beskadig, en degeneratiewe
siektes, soos hartsiektes, veroorsaak.”
Benewens die gesondheidsvoordele wat die navorsing kan
inhou, hoop die Rooibosbedryf om die navorsingsresultate
te gebruik om die publiek bewus te maak van die rol van
Rooibos in ‘n gesonde lewenstyl.
Nóg belangrike bevindinge, wat meer navorsing vereis
voordat spesieke aanbevelings oor die gebruik van
Rooibostee gemaak kan word, is die volgende:
Rooibos bevat ‘n komplekse en oorvloedige mengsel van
anti-oksidante.
•
Rooibos is die enigste bekende bron van ‘n besonder
voordelige, maar rare, anti-oksidant bekend as aspalatien.
•
Ongefermenteerde (”groen”) Rooibostee bevat hoër
vlakke van anti-oksidante as die algemeen bekende,
tradisionele gefermenteerde Rooibostee.
•
Die komplekse mengsel van anti-oksidante – bekend as
polifenole– in Rooibostee kan help om die liggaam teen
vrye radikale te beskerm en hul uitwerking op die liggaam
te beperk. Vrye radikale is onstabiele molekule wat die
genetiese materiaal (DNS) in selle kan beskadig en kanker
veroorsaak. Vrye radikale
kan cholesterol oksideer en
verstopte are, hartaanvalle en
beroertes veroorsaak.
•
Rooibos verhoog die antioksidantstatus
in die lewer.
Dié eienskap kan help om
Alzheimersiekte te behandel.
•
Rooibos bevorder die
produksie van teenliggame
wanneer daar aanslae op
immuunstelsels is.
•
Rooibos vertraag die
terugkeer van die Herpes
simplex-virus by mense.
•
Rooibos kan
gebruik word om sekere
maagongesteldhede te
behandel.
•
Rooibos inhibeer sekere
in-ammatoriese velsiektes en
maak die vel minder sensitief
vir sonskade.
Die Rooibos-navorsingspan by die Mediese
Navorsingsraad is vir etlike jare besig om die uitwerking
van Rooibostee op verskillende tipes kanker te ondersoek.
Die span, onder leiding van Dr Kareemah Gamieldien en
Prof. Wentzel Gelderblom, werk met menslike selle in die
laboratorium. Hul navorsingsresultate toon groot belofte
vir die behandeling van kanker in mense, dog is meer
navorsing nodig.
Hulle het reeds gevind dat Rooibos die ontwikkeling van
velkanker teenwerk deurdat bestanddele in Rooibos inmeng
met die proses waardeur kanker ontwikkel. Die span is besig
om die moontlikheid te ondersoek om ‘n “cosmeceutical” (‘n
kosmetiese farmaseutiese produk), van Rooibos te ontwikkel,
waarmee velkanker behandel kan word.
Navorsing op kankerselle verkry van menslike vel, lewer,
kolon en slukderms, toon dat groen (ongefermenteerde)
Rooibos die groei van kankerselle betekenisvol geïnhibeer
het. Die span is nou besig met navorsing om vas te stel wat
die meganisme is waardeur Rooibos die ontwikkeling van
kanker inhibeer, en spesiek oor die balans tussen selgroei
en -afsterwe.
Presies hoé Rooibos selle teen kanker beskerm, is die
onderwerp van meer as een studie waarmee die MNR-span
besig is. Tot dusver is gevind dat Rooibos kankerverwante
veranderinge in selle verminder deur selle teen DNS-skade,
oftewel mutagenese, te beskerm.
Mutagenese is een van die eerste stappe in die
ontwikkeling van kanker, en tydens mutagenese word die
genetiese materiaal van selle verander vanweë oormatige
blootstelling aan mutagene wat in sigaretrook, sonlig of
chemiese verbindings soos waterstofperoksied gevind word.
Rooibos bied beskerming teen die mutagene deur sy antioksidant-
eienskappe, deurdat dit die anti-oksidantstatus van
die lewer verhoog en die lewerensieme wat kankerwekkende
stowwe in die liggaam afbreek, stimuleer.
Great specials on Rooibos Tea in May
Regards,
Zharina
No comments:
Post a Comment